بطاقة شخصية
بشير: مَن كان في حاجة أخيه كان الله في حاجته .. دورنا نساعد بعض .. سواء بكلمة طيبة .. تصرف محترم .. ارمي بذور الخير وستعود لك ثمارًا
اياد : كلنا محتاجين مساعدة يادكتور .. احنا اولى ببعض
بشير : تحب تتكلم يا استاذ اياد
اياد : انا بقى مشكلتي اكبر وهي اني بقيت مدمن اصحاب السوء والفلوس والفسح خلتني مدمن واكتر من مرة كان هيتقبض عليا بس بعلاقاتي كنت بخرج منها قبل منزل من عربيتي .. بس قررت اتعالج لما ابني لقيته جاي في يوم واقع من طوله شارب .. مكنتش عارف ازعقله او حتى اضربه زى اي اب
بشير: بس انت اتعالجت الحمد لله وبقالك فترة كويسة
اياد : بس حاسس انى مكسور قدام ولادي ومراتي
سارة : لما هتبقى كويس هيفرحوا بيك .. صدقني
تخطف سارة احيانًا بعض النظرات لعصام .. فضولها يسوقها الى تمعن النظر الى وجهه .. بعد ان رأت وجهه بشكل كاملا .. انتقلت من مكانها مبتعده .. حيث تملكها الخوف والتوتر
التفت احمد حوله ليتأكد أنه الباقي الوحيد الذي لم يتحدث ثم هتف :
كده مفضلش غيري .. انا مش هخبي عنكم انا بضعف قدام اي ست جميله .. بحاول اقربلها .. مش فكره علاقة .. لا المسها .. اخرج معاها .. استغليت وسامتي لطريق ملوش اخر .. طريق مهين .. قله كرامة .. مجرد مظاهر كدابه .. بس كلها ذنوب وغضب من ربنا .. مين يقدر يقاوم الوسامه دي
( ضحك الجميع )
بشير : كده كل واحد اعترف بمشكلته وهنا نقطة البداية للعلاج .. نواجه نفسنا بمشكلتنا
نهى : هو انا مشكلتي ليها حل
قبل ان يرد عليها بشير انتفض عليها احمد :
لا طبعًا
هتف اياد في وجهه :
هو انت ربنا؟!
سارة: ايه التخلف ده .. ما انت كمان متحرش
احمد : شوف مين بيتكلم واحد مدمن والتانيه مجنونه
عصام لم يرفع راسه ظل صامتًا
هتف بشير :
هدوء بعد اذنكم .. مينفعش نتكلم مع بعض بالطريقة دي
اولًا .. رسولنا الكريم قال
التائب من الذنب كمن لا ذنب له
وقال كمان
كل ابن آدم خطاء، وخير الخطائين التوابون
احنا هنا علشان نتعالج مش نعاير بعض هنكمل كلامنا بكره … وبعد اذنكم ياريت بلاش عصبيه وردود ملهاش لازمة وإلا هعمل لكل واحد جلسة منفصلة .. اتفضلوا
….
ظلت نهى جالسه منهاره في البكاء بشكل هستيري:
انا عارفه اني مليش توبه
ظلت سارة بجوارها تواسيها:
كلنا بنغلط .. من منا بلا خطيئة فليلقها بحجرمتقوليش كده
: ثم تحرك بشير يربت على كتفها قائلا
انتي اقوى من اي حد .. طلبت منك اننا نقرب من ربنا .. ندعيله .. نستغفر علاجك محتاج علاج نفسى ودوائي علشان تبقي هادية وتعرفي تنامى كويس
تحرك عصام الى الشرفة يدخن سيجارته .. خرج الجميع من الغرفة .
تحرك احمد ومعه اياد الي الخارج
ثم نظر اياد الي نهى متحدثًا لأحمد:
اللي يشوف بلاوي الناس تهون عليه بلوته
: تحرك بشير ناحيه عصام
ايه يابطل منزلتش ليه
عصام : قولت ينزلوا الاول
بس انت لازم تتعامل عادي واحنا اتفقنا هنرتب امور العملية زي ما وعدتك
( تنهد تنهديه تكاد تخرج روحه ثم قال )
ان شاء الله
….
الجلسة الثانية
……..
بشير جالسًا يقرأ منتظر حضور المجموعة .. دخل عليه عصام وهو متشاؤم والغضب يملئ وجهه
بشير : مالك يابطل في ايه؟
عصام: خطيبتي بعتتلي رسالة امبارح وطلبت انها تفسخ الخطوبة
بشير: ليه حصل ايه؟ .. تحب اتكلم معاها؟
عصام : لا طبعا هي اختارت .. حقها تتخطب لحد شكله حلو … متخافش منه .. انا منفعش لحد يادكتور
بشير: بس هي تعرف السبب في اللي حصلك والمفروض تفخر بيك .. انت راجل شهم
عصام : يادكتور فخر ايه .. اللي يهم البنات الشكل والمظاهر
قبل ان يكمل حديثه دخلت المجموعه
بشير: ايه ده ماشاء الله جايين سوا
اياد: لا ابدا انا كنت قاعد في العربية بشرب سيجاره لقيتهم واقفين قولت ندخل بس بصراحه منعرفش ان عصام هنا
بشير: عصام ملتزم بمواعيده
احمد : يابخت اللي كان الدكتور بشير صاحبه
بشير: عصام صاحبي فعلا .. وليا الشرف .. يلا بينا اتفضلوا
جلس الجميع في مكانه
بشير : عاوز اسالكم سؤال .. لو النهاردة اخر يوم في حياة كل واحد هتعملوا ايه؟
( نظر الجميع الي بعضهم البعض في اندهاش )
منهم من ابتسم .. ومنهم من شرد لحظات ثم هتف احمد قائلًا :
بشير: مَن كان في حاجة أخيه كان الله في حاجته .. دورنا نساعد بعض .. سواء بكلمة طيبة .. تصرف محترم .. ارمي بذور الخير وستعود لك ثمارًا اياد : كلنا محتاجين مساعدة يادكتور .. احنا اولى ببعض بشير : تحب تتكلم يا استاذ اياد اياد : انا بقى مشكلتي اكبر وهي اني بقيت مدمن اصحاب السوء والفلوس والفسح خلتني مدمن واكتر من مرة كان هيتقبض عليا بس بعلاقاتي كنت بخرج منها قبل منزل من عربيتي .. بس قررت اتعالج لما ابني لقيته جاي في يوم واقع من طوله شارب .. مكنتش عارف ازعقله او حتى اضربه زى اي اب بشير: بس انت اتعالجت الحمد لله وبقالك فترة كويسة اياد : بس حاسس انى مكسور قدام ولادي ومراتي سارة : لما هتبقى كويس هيفرحوا بيك .. صدقني تخطف سارة احيانًا بعض النظرات لعصام .. فضولها يسوقها الى تمعن النظر الى وجهه .. بعد ان رأت وجهه بشكل كاملا .. انتقلت من مكانها مبتعده .. حيث تملكها الخوف والتوتر التفت احمد حوله ليتأكد أنه الباقي الوحيد الذي لم يتحدث ثم هتف : كده مفضلش غيري .. انا مش هخبي عنكم انا بضعف قدام اي ست جميله .. بحاول اقربلها .. مش فكره علاقة .. لا المسها .. اخرج معاها .. استغليت وسامتي لطريق ملوش اخر .. طريق مهين .. قله كرامة .. مجرد مظاهر كدابه .. بس كلها ذنوب وغضب من ربنا .. مين يقدر يقاوم الوسامه دي ( ضحك الجميع ) بشير : كده كل واحد اعترف بمشكلته وهنا نقطة البداية للعلاج .. نواجه نفسنا بمشكلتنا نهى : هو انا مشكلتي ليها حل قبل ان يرد عليها بشير انتفض عليها احمد : لا طبعًا
