كيلو كباب

_ وهو ابنك لما راح ياخد حاجات م الكشك كان معاه فلوس

سيد يهتف فى هدى بغضب وهو يهم بالنهوض

_قصدك انى حرامى

تهتف فيهم صفية

_ هو احنا هنتخانق ولا هنشوف حل فى المصيبة اللى احنا فيها دى ؟

حنان بدهشة

_مصيبة ايه يا حماتى ؟ ده كباب

صفية بجدية

_عارفه انه كباب .. بس مش بتاعنا ولازم نشوف هو جاىمن انهى محل ونرجعه  .. طالما حاجه مش بتاعتنا يبقى حرام علينا ناخدها

سيد وحنان ينظران الى بعضهما بدهشه وقلق .. سيد ينهض مقتربا من صفية

_حرام ؟؟ ده يبقى حرام لو عملنا اللى انتى بتقولى عليه ده ده كيلو كباب وكفته وطرب وحمام .. حاجات مكلنهاش قبل كده .. حد بقى يجيله النعمه لحد عنده ويرفسها

صفية تحاول ان تكون حاسمة

_ نعمه مش بتاعتنا

سيد يطرق على الحائط بقوة

_ انتى بتهزرى يامه

صفية تنظر الى سيد بقوة تبدو عينيها تعاتبه على صوته العالى عليها .. سيد يبعد وجهه عنها .. حنان تنهض وتقترب من سيد وهى تربت على كتفه تهدئه

_ خلاص بقى يا سيد ملوش لازمه اللى انت بتعمله ده

ثم تقترب من صفية وتنزل على الارض على ركبتيها وهى تربت على كتف صفية مبتسمة

_ امك برضو مش هيخلصها تشوف عيالك متشوقين لحاجه وتحرمهم منها

صفية تنظر تجاه عمر وحبيبة تبدو عيونهم معلقه بكيس الطعام .. صفية تشيح بوجهها بعيدا حتى لا تؤثر نظراتهم فيها .. سيد يقترب من صفية ويبدو مستعطفا لها

_ يامه ده احنا غلابه بنكمل عشانا نوم .. مستخسرة فينا نفرح باكلة جاتلنا م السما

_ يا ابنى الفقر مش عيب

_ عندك حق يامه الفقر مش عيب .. بس الجوع عيب ..الذل والحاجه عيب .. لما ابقى شايف عيالى لا عارفين

ياكلوا ولا يشربوا ولا يلبسوا زى الناس عيب .. لما ابقى مش عارف اكفى مراتى ولا اجيبلها لبس زى بقيه مخاليق ربنا عيب

سيد ينظر لصفية محاولا ان يعرف تأثير ما قاله عليها .. يبدو عليه انه لا يستطيع توقع رد فعل امه .. سيد ينظر الى هدى

_ ما تقولى حاجه يا هدى

هدى بارتباك

_احنا نستنى شويه .. لو الراجل رجع يسأل عليهم تانى نبقى نديهمله .. ولو مسألش يبقى رزق من عند ربنا

سيد وحنان ينظران الى بعضهما يبدو ان كلام هدى ارضاهما .. صفية تبدو غير مقتنعه تنظر فى وجوه الجميع ثم تهز رأسها بالموافقه بتردد

لقطة قريبة لحلة بها ملوخيه وبجانبها طبق به بعض اجنحة ورقاب الدجاج .. تظهر صفية تقف بجانب منضده المطبخ التى عليها الطعام تنظر له وهى شاردة يبدو على وجهها الحيرة .. حبيبة تدخل الى المطبخ بهدوء وتنظر الى صفية مبتسمه دون ان تتكلم .. صفية تبادلها الابتسامه

_ ايه يا حبيبتى جعانه ؟

حبيبة تهز رأسها بالايجاب صفية وهى تمد يدها للاطباق امامها لتقوم بتحضير الطعام

_ دقايق والاكل يكون جاهز

حبيبة تنظر لصفية مستعطفه اياها

_ ممكن مترجعيش الكباب اللى جه ده .. احنا بقالنا كتير اوى مكلناش لحمة .. ولسه العيد الكبير فاضل عليه كتير عشان حد يديلنا لحمة

صفية تتوقف يديها على الاطباق  وهى تنظر لحبيبة بأسى

يظهر الباب مفتوح قليلا يطل من ورائه سيد بعينا واحدة يترقب وينظر الى الخارج

حنان تقترب من سيد بهدوء وتطرق على كتفه بيدها .. سيد يلتفت الى حنان ويغلق الباب بهدوء وحنان تتكلم معه هامسة

_فى ايه ؟ واقف ورا الباب كده ليه ؟؟

_بأبص ع السلم اشوف الواد اللى جاب الاكل جاى ولا لا

_وهو يعنى لو جاى هتعمله ايه ؟؟

_ انا عارف بقى .. اهو بس عشان متصدمش

هدى تقترب منهما وهى تتكلم بصوت منخفض

_اعملوا حسابكم لو حد جه يطلب الاكل هنديهوله .. انا مش مستعده ادخل النار على اكله كباب

سيد ينظر لها ساخرا

_ عندك حق لازم تدخلى النار على حاجه تستاهل

هدى بتحفز لسيد

_قصدك ايه يا سيد ؟؟

_قصدى ان اذا كان الاكل ده حرام وهيدخلك النار فالاولى تخافى من النار في الادويه اللى بتسلكيها م المستشفى

ترتبك هدى

_ادوية ؟؟ ادوية ايه ؟؟

_متقلقيش انا اخوكى برضو وستر وغطا عليكى ومرضاش تدخلى السجن .. اما حكايه الجنة والنار دى بقى بتاعه ربنا مش بتاعتى

هدى تتماسك هاتفه فيه

_ انا باخد ادويه العيانين مش محتاجينها .. باتذل وباتعامل  مع ناس ولا ليها لازمه عشان اكمل تمن جهازى .. بأجهز نفسى عشان معنديش اخ عدل يجهزنى

حنان تتدخل فى الكلام مستنكره

_يجهزك ؟؟ ليه يا حبيبتى هو مش عنده عيال ملزوم بيهم وفى رقبته .. هيسيبهم جعانين ويصرف فلوسه عليكى

_لا .. يروح يصرفها ع الحشيش اللى بيشربه

حنان لهدى مصدومة

_حشيش ؟؟

تنظر الى سيد هاتفه فيه

_انت بتشرب حشيش يا سيد ؟

يرد عليها بغضب

_وانتى مالك

حنان تنفجر فيه هاتفه بغضب

_لا مالى يا سيد .. مالى اللى باقعد طول الشهر اشتغل واشقى واتعب واصرف عليك انت والعيال وانت قاعد فى البيت .. وفى الاخر اكتشف انك بتاخد فلوسى وتصرفها

على كيفك ومزاجك .. ده انت طلعت راجل ناقص اوى

_ وهو ابنك لما راح ياخد حاجات م الكشك كان معاه فلوس سيد يهتف فى هدى بغضب وهو يهم بالنهوض _قصدك انى حرامى تهتف فيهم صفية _ هو احنا هنتخانق ولا هنشوف حل فى المصيبة اللى احنا فيها دى ؟ حنان بدهشة _مصيبة ايه يا حماتى ؟ ده كباب صفية بجدية _عارفه انه كباب .. بس مش بتاعنا ولازم نشوف هو جاىمن انهى محل ونرجعه  .. طالما حاجه مش بتاعتنا يبقى حرام علينا ناخدها سيد وحنان ينظران الى بعضهما بدهشه وقلق .. سيد ينهض مقتربا من صفية _حرام ؟؟ ده يبقى حرام لو عملنا اللى انتى بتقولى عليه ده ده كيلو كباب وكفته وطرب وحمام .. حاجات مكلنهاش قبل كده .. حد بقى يجيله النعمه لحد عنده ويرفسها صفية تحاول ان تكون حاسمة _ نعمه مش بتاعتنا سيد يطرق على الحائط بقوة _ انتى بتهزرى يامه صفية تنظر الى سيد بقوة تبدو عينيها تعاتبه على صوته العالى عليها .. سيد يبعد وجهه عنها .. حنان تنهض وتقترب من سيد وهى تربت على كتفه تهدئه _ خلاص بقى يا سيد ملوش لازمه اللى انت بتعمله ده ثم تقترب من صفية وتنزل على الارض على ركبتيها وهى تربت على كتف صفية مبتسمة _ امك برضو مش هيخلصها تشوف عيالك متشوقين لحاجه وتحرمهم منها صفية تنظر تجاه عمر وحبيبة تبدو عيونهم معلقه بكيس الطعام .. صفية تشيح بوجهها بعيدا حتى لا تؤثر نظراتهم فيها .. سيد يقترب من صفية ويبدو مستعطفا لها _ يامه ده احنا غلابه بنكمل عشانا نوم .. مستخسرة فينا نفرح باكلة جاتلنا م السما _ يا ابنى الفقر مش عيب _ عندك حق يامه الفقر مش عيب .. بس الجوع عيب ..الذل والحاجه عيب .. لما ابقى شايف عيالى لا عارفين ياكلوا ولا يشربوا ولا يلبسوا زى الناس عيب .. لما ابقى مش عارف اكفى مراتى ولا اجيبلها لبس زى بقيه مخاليق ربنا عيب سيد ينظر لصفية محاولا ان يعرف تأثير ما قاله عليها .. يبدو عليه انه لا يستطيع توقع رد فعل امه .. سيد ينظر الى هدى _ ما تقولى حاجه يا هدى هدى بارتباك _احنا نستنى شويه .. لو الراجل رجع يسأل عليهم تانى نبقى نديهمله .. ولو مسألش يبقى رزق من عند ربنا سيد وحنان ينظران الى بعضهما يبدو ان كلام هدى ارضاهما .. صفية تبدو غير مقتنعه تنظر فى وجوه الجميع ثم تهز رأسها بالموافقه بتردد لقطة قريبة لحلة بها ملوخيه وبجانبها طبق به بعض اجنحة ورقاب الدجاج .. تظهر صفية تقف بجانب منضده المطبخ التى عليها الطعام تنظر له وهى شاردة يبدو على وجهها الحيرة .. حبيبة تدخل الى المطبخ بهدوء وتنظر الى صفية مبتسمه دون ان تتكلم .. صفية تبادلها الابتسامه _ ايه يا حبيبتى جعانه ؟ حبيبة تهز رأسها بالايجاب صفية وهى تمد يدها للاطباق امامها لتقوم بتحضير الطعام _ دقايق والاكل يكون جاهز حبيبة تنظر لصفية مستعطفه اياها _ ممكن مترجعيش الكباب اللى جه ده .. احنا بقالنا كتير اوى مكلناش لحمة .. ولسه العيد الكبير فاضل عليه كتير عشان حد يديلنا لحمة صفية تتوقف يديها على الاطباق  وهى تنظر لحبيبة بأسى يظهر الباب مفتوح قليلا يطل من ورائه سيد بعينا واحدة يترقب وينظر الى الخارج حنان تقترب من سيد بهدوء وتطرق على كتفه بيدها .. سيد يلتفت الى حنان ويغلق الباب بهدوء وحنان تتكلم معه هامسة _فى ايه ؟ واقف ورا الباب كده ليه ؟؟ _بأبص ع السلم اشوف الواد اللى جاب الاكل جاى ولا لا _وهو يعنى لو جاى هتعمله ايه ؟؟ _ انا عارف بقى .. اهو بس عشان متصدمش هدى تقترب منهما وهى تتكلم بصوت منخفض _اعملوا حسابكم لو حد جه يطلب الاكل هنديهوله .. انا مش مستعده ادخل النار على اكله كباب سيد ينظر لها ساخرا _ عندك حق لازم تدخلى النار على حاجه تستاهل هدى بتحفز لسيد _قصدك ايه يا سيد ؟؟ _قصدى ان اذا كان الاكل ده حرام وهيدخلك النار فالاولى تخافى من النار في الادويه اللى بتسلكيها م المستشفى ترتبك هدى _ادوية ؟؟ ادوية ايه ؟؟ _متقلقيش انا اخوكى برضو وستر وغطا عليكى ومرضاش تدخلى السجن .. اما حكايه الجنة والنار دى بقى بتاعه ربنا مش بتاعتى هدى تتماسك هاتفه فيه _ انا باخد ادويه العيانين مش محتاجينها .. باتذل وباتعامل  مع ناس ولا ليها لازمه عشان اكمل تمن جهازى .. بأجهز نفسى عشان معنديش اخ عدل يجهزنى حنان تتدخل فى الكلام مستنكره _يجهزك ؟؟ ليه يا حبيبتى هو مش عنده عيال ملزوم بيهم وفى رقبته .. هيسيبهم جعانين ويصرف فلوسه عليكى _لا .. يروح يصرفها ع الحشيش اللى بيشربه حنان لهدى مصدومة _حشيش ؟؟ تنظر الى سيد هاتفه فيه _انت بتشرب حشيش يا سيد ؟ يرد عليها بغضب _وانتى مالك حنان تنفجر فيه هاتفه بغضب _لا مالى يا سيد .. مالى اللى باقعد طول الشهر اشتغل واشقى واتعب واصرف عليك انت والعيال وانت قاعد فى البيت .. وفى الاخر اكتشف انك بتاخد فلوسى وتصرفها على كيفك ومزاجك .. ده انت طلعت راجل ناقص اوى