كيلو كباب

سيد يصفع حنان بقوة .. هدى تدخل وسطهم لتحول بينه وبين حنان .. تظهر صفية التى تقف على باب المطبخ والى جوارها حبيبه وعمر وهى تنظر لهم بحزن والدموع تتساقط من عينيها

باب منزل صفية .. يظهر الدليفيرى وهو يتوقف بالموتوسيكل الخاص به وينزل من عليه مسرعا وينظر الى المنزل ليتأكد انه هو ثم يدخل مسرعا الى داخله

الدليفيرى يدخل الى المنزل وهو يخطو بخطوات سريعه .. ( صوت جرس موبايل )

الدليفيرى يخرج الموبايل الخاص به ويرد عليه  

_الووووو…. ايوه انا وصلت البيت خلاص اهو .. هاطلع اجيب الاوردر او الفلوس …. حاضر حاضر سلام

الدليفيرى يغلق الموبايل ويجرى مسرعا على السلم صاعدا وكأنه يقفز عليه بحماس

صفية تقف يبدو على وجهها المملوء بالاسى انها تحاول ان تبدو قويه بعض الشئ

_عشان شويه اكل هتقطعوا بعض .. كانت عشرتكم وحبكم  لبعض زواق بس .. ومع اول خبطه بان كل اللى جواكم ع الوش

سيد وحنان وهدى ينظرون الى بعض بخجل وهم لا يعرفون كيف يردون عليها

_ واضح انه مكانش كيلو كباب وخلاص .. كان ابتلاء من ربنا عشان نعرف اننا عايشين مع بعض بالكدب

سيد يحاول تخفيف الامر

_يامه مصارين البطن بتتخانق

يقبل رأس هدى التى تنظر له بضيق

_وهدى مهما كان اختى

ثم يقبل رأس حنان التى تبعده عنها بضيق

_ وحنان مراتى ومستغناش عنهم ابدا

صفية بحسم

_ بس الاكل ده لازم يرجع

يهتف سيد مستنكرا

_ لا يامه مش بعد كل الهرى ده تقوليلى يرجع

صفية تنظر له بأسف

_يعنى بعد كل اللى قولتهولك ده وبرضو اللى فى دماغك فى دماغك

سيد باصرار

_البطن ملهاش ودان عشان تسمع يامه

( صوت طرقات قويه على الباب )

الجميع يصمتون يقفون بلا حراك وكأنهم تماثيل من الشمع .. صفية تنظر حولها

تحاول ان تحسم ترددها وتتجه الى الباب وسيد يلحق بها

_ايه يامه ناويه على ايه ؟؟

_انتوا مش قولتوا لو حد جه يطلب الاكل هنرجعه ؟؟

تنظر الى هدى

_ مش ده حق ربنا ؟؟

هدى متلعثمه

–ربنا ميرضهوش نبقى محرومين ومش لاقيين والنعمه تيجى لحد عندنا ونرجعها .. وبعدين اصحاب المطاعم دول بيكسبوا بالالافات مش تمن الاكله دى اللى هيقصر معاهم

صفية تنظر لهدى باستغراب وهدى تكمل

_ ده حتى ربنا مبيعاقبش اللى بيسرق عشان ياكل

_ حتى حق ربنا بقيتوا بتفسروه على هواكم

حنان لصفية برجاء

_ باقولك ايه يا حماتى احنا مش كل يوم بيجيلنا اكل بالغلط بلاش احنا .. ده العيال واقفه هتجنن وتاكل م الاكل اللى جه .. هتحرميهم ؟؟

صفية تقف متردده .. سيد وحنان وهدى ينظرون لها بترقب ( صوت الطرقات القوية مستمر على الباب ) ..حنان تتجه الى الباب وتفتحه يظهر الدليفيرى على باب الشقه

_ سلامو عليكم .. حضرتك انا كنت جبت اوردر هنا بالغلط

سيد يهتف فيه بقوة

_ مفيش حاجه جتلنا هنا بالغلط

الدليفيرى يبدو على وجهه الشحوب والخوف وينظر الى هدى

_ ازاى ؟؟ ده حتى الانسه هى اللى خدته منى

الجميع تتعلق عيونهم بهدى .. هدى تحاول ان تتماسك وتدارى ارتباكها

_انا مخدتش حاجه من حد

_ انتوا بتقولوا ايه .. ده كيلو كباب وكفته وطرب وحمام عاملين 1850 جنيه

صفية تتحجر الدموع فى عينيها والدليفيرى ينظر لها مستعطفا

_ يعنى يرضيكى يا حاجه اشيل تمن الاكل ده

صفية تنظر له بتردد .. تلقى نظره استعطاف الى سيد وحنان .. سيد يندفع وهو يقف امام الدليفيرى هاتفا

_فى ايه يا عم الحاج هو رمى بلا ولا ايه .. ما قالتلك مشفناش حاجه .. روح يا عم الله يسهلك شوف انت اديت الحاجه لمين

الدليفيرى ينظر لصفية يشعر انها سوف تنصفه .. صفية تحتبس الدموع فى عينيها تنظر الى سيد وحنان

_معلش يا ابنى ربنا يعوض عليك

الدليفيرى ينظر الى وجوههم المتحفزه .. يبدو عليه الاستسلام

_حسبى الله ونعم الوكيل

سيد يدفع الدليفيرى الى الخارج

_ماشى يا عم روح ادعى فى حته تانيه مش فاضينلك

سيد يغلق الباب وراء الدليفيرى وهو يبتسم بسعادة وهو ينظر لهم

_ناكل بقى عشان واقع م الجوع

الدليفيرى ينزل على السلم يبدو على وجهه الحزن .. يجلس على السلم بأسى وهو يضع يده على خده لا يعرف ماذا يفعل .. فجأة يسقط الى جانبه منديل ملفوف .. الدليفيرى ينظر حوله ثم يمسك المنديل ويفكه يخرج مبلغ من المال يبدو مقاربا لثمن الاوردر ..الدليفيرى ينظر حوله بسعاده ينظر الى الاعلى ليعرف من اين اتى المنديل فلا يرى احد .. ينهض وينزل السلم مسرعا بسعادة ..تظهر صفية تقف على السلم مستنده بظهرها على الجدار تطل برأسها قليلا لتتأكد من الدليفيرى قد انصرف .. يبدو على وجهها بعض الرضى

سيد يجلس على احد المقاعد يضع سيجارة فى فمه ويشعلها ويسحب احد انفاسها بسعادة .. يظهر عمر وحبيبة يجلسان على الارض يلعبان ..حنان تقترب منه وهى تنظر له متسائله

_انت هتشرب سجاير دلوقت ؟ مش هناكل الاول ؟

_مش لما تجهزوا الاكل وامى تيجى

هدى تخرج من المطبخ

_وهى ماما فين ؟؟

حنان تمسك بيد هدى وتتجه الي المطبخ

_تعالى نجهز الاكل وهى اكيد بتجيب حاجه وجايه

هدى تنظر الي المائدة

_ طب وهو الاكل فين ؟؟

عمر يرد

_انا وحبيبة خبيناه بره لما الراجل جه

حبيبة تكمل

_خفنا لحسن ياخده مننا

سيد ينظر لحبيبة وعمر ويبدو على وجهه القلق

_ خبيتوه فين ؟؟

يظهر الكلب وهو يمسك بقطع الكباب وباقى الطعام ويأكلها بنهم وقد مزق الحقيبه وباقى الطعام وجعلها متناثرة من حوله .. يظهر سيد يقف والى جواره حنان وهدى وحبيبة وعمر وهم ينظرون الى الكلب وهو يأكل متحسرين .. سيد يمسك قطعه خشب ويحاول ان يبعد الكلب عن الاكل .. الكلب يقف مزمجرا وينبح بقوة عليهم .. سيد يحاول الاقتراب .. الكلب يهاجمه بشراسه .. سيد يتراجع وهو يمسك يده المليئة بالدماء متألما .. حنان تهتف فى سيد

_ابعده يا سيد .. ده هياكل الاكل كله

سيد يهتف وهو يحاول الامساك به

_مش عارف ابعده .. مش عارف .. انا مش عارف ايه اللى حصله .. مكانش كده

صفية تدخل الى السطح.. تنظر لهم .. تصدر منها ضحكه تعجب قصيرة وهى تهز رأسها بأسف

_اتسعر .. زى ما انتوا كمان اتسعرتوا

صفية تتحرك بهدوء الى الشقه .. خطواتها بطيئه وكأنها تجر ارجلها تدخل وهى تلقى نظرة على سيد وحنان وهدى اللذين ينظرون الى الارض بخجل  وتهز رأسها بأسف ثم تغلق الباب

 

النهاية

 

 

 

 

 

 

 

سيد يصفع حنان بقوة .. هدى تدخل وسطهم لتحول بينه وبين حنان .. تظهر صفية التى تقف على باب المطبخ والى جوارها حبيبه وعمر وهى تنظر لهم بحزن والدموع تتساقط من عينيها باب منزل صفية .. يظهر الدليفيرى وهو يتوقف بالموتوسيكل الخاص به وينزل من عليه مسرعا وينظر الى المنزل ليتأكد انه هو ثم يدخل مسرعا الى داخله الدليفيرى يدخل الى المنزل وهو يخطو بخطوات سريعه .. ( صوت جرس موبايل ) الدليفيرى يخرج الموبايل الخاص به ويرد عليه   _الووووو…. ايوه انا وصلت البيت خلاص اهو .. هاطلع اجيب الاوردر او الفلوس …. حاضر حاضر سلام الدليفيرى يغلق الموبايل ويجرى مسرعا على السلم صاعدا وكأنه يقفز عليه بحماس صفية تقف يبدو على وجهها المملوء بالاسى انها تحاول ان تبدو قويه بعض الشئ _عشان شويه اكل هتقطعوا بعض .. كانت عشرتكم وحبكم  لبعض زواق بس .. ومع اول خبطه بان كل اللى جواكم ع الوش سيد وحنان وهدى ينظرون الى بعض بخجل وهم لا يعرفون كيف يردون عليها _ واضح انه مكانش كيلو كباب وخلاص .. كان ابتلاء من ربنا عشان نعرف اننا عايشين مع بعض بالكدب سيد يحاول تخفيف الامر _يامه مصارين البطن بتتخانق يقبل رأس هدى التى تنظر له بضيق _وهدى مهما كان اختى ثم يقبل رأس حنان التى تبعده عنها بضيق _ وحنان مراتى ومستغناش عنهم ابدا صفية بحسم _ بس الاكل ده لازم يرجع يهتف سيد مستنكرا _ لا يامه مش بعد كل الهرى ده تقوليلى يرجع صفية تنظر له بأسف _يعنى بعد كل اللى قولتهولك ده وبرضو اللى فى دماغك فى دماغك سيد باصرار _البطن ملهاش ودان عشان تسمع يامه ( صوت طرقات قويه على الباب ) الجميع يصمتون يقفون بلا حراك وكأنهم تماثيل من الشمع .. صفية تنظر حولها تحاول ان تحسم ترددها وتتجه الى الباب وسيد يلحق بها _ايه يامه ناويه على ايه ؟؟ _انتوا مش قولتوا لو حد جه يطلب الاكل هنرجعه ؟؟ تنظر الى هدى _ مش ده حق ربنا ؟؟ هدى متلعثمه –ربنا ميرضهوش نبقى محرومين ومش لاقيين والنعمه تيجى لحد عندنا ونرجعها .. وبعدين اصحاب المطاعم دول بيكسبوا بالالافات مش تمن الاكله دى اللى هيقصر معاهم صفية تنظر لهدى باستغراب وهدى تكمل _ ده حتى ربنا مبيعاقبش اللى بيسرق عشان ياكل _ حتى حق ربنا بقيتوا بتفسروه على هواكم حنان لصفية برجاء _ باقولك ايه يا حماتى احنا مش كل يوم بيجيلنا اكل بالغلط بلاش احنا .. ده العيال واقفه هتجنن وتاكل م الاكل اللى جه .. هتحرميهم ؟؟ صفية تقف متردده .. سيد وحنان وهدى ينظرون لها بترقب ( صوت الطرقات القوية مستمر على الباب ) ..حنان تتجه الى الباب وتفتحه يظهر الدليفيرى على باب الشقه _ سلامو عليكم .. حضرتك انا كنت جبت اوردر هنا بالغلط سيد يهتف فيه بقوة _ مفيش حاجه جتلنا هنا بالغلط الدليفيرى يبدو على وجهه الشحوب والخوف وينظر الى هدى _ ازاى ؟؟ ده حتى الانسه هى اللى خدته منى الجميع تتعلق عيونهم بهدى .. هدى تحاول ان تتماسك وتدارى ارتباكها _انا مخدتش حاجه من حد _ انتوا بتقولوا ايه .. ده كيلو كباب وكفته وطرب وحمام عاملين 1850 جنيه صفية تتحجر الدموع فى عينيها والدليفيرى ينظر لها مستعطفا _ يعنى يرضيكى يا حاجه اشيل تمن الاكل ده صفية تنظر له بتردد .. تلقى نظره استعطاف الى سيد وحنان .. سيد يندفع وهو يقف امام الدليفيرى هاتفا _فى ايه يا عم الحاج هو رمى بلا ولا ايه .. ما قالتلك مشفناش حاجه .. روح يا عم الله يسهلك شوف انت اديت الحاجه لمين الدليفيرى ينظر لصفية يشعر انها سوف تنصفه .. صفية تحتبس الدموع فى عينيها تنظر الى سيد وحنان _معلش يا ابنى ربنا يعوض عليك الدليفيرى ينظر الى وجوههم المتحفزه .. يبدو عليه الاستسلام _حسبى الله ونعم الوكيل سيد يدفع الدليفيرى الى الخارج _ماشى يا عم روح ادعى فى حته تانيه مش فاضينلك سيد يغلق الباب وراء الدليفيرى وهو يبتسم بسعادة وهو ينظر لهم _ناكل بقى عشان واقع م الجوع الدليفيرى ينزل على السلم يبدو على وجهه الحزن .. يجلس على السلم بأسى وهو يضع يده على خده لا يعرف ماذا يفعل .. فجأة يسقط الى جانبه منديل ملفوف .. الدليفيرى ينظر حوله ثم يمسك المنديل ويفكه يخرج مبلغ من المال يبدو مقاربا لثمن الاوردر ..الدليفيرى ينظر حوله بسعاده ينظر الى الاعلى ليعرف من اين اتى المنديل فلا يرى احد .. ينهض وينزل السلم مسرعا بسعادة ..تظهر صفية تقف على السلم مستنده بظهرها على الجدار تطل برأسها قليلا لتتأكد من الدليفيرى قد انصرف .. يبدو على وجهها بعض الرضى سيد يجلس على احد المقاعد يضع سيجارة فى فمه ويشعلها ويسحب احد انفاسها بسعادة .. يظهر عمر وحبيبة يجلسان على الارض يلعبان ..حنان تقترب منه وهى تنظر له متسائله _انت هتشرب سجاير دلوقت ؟ مش هناكل الاول ؟ _مش لما تجهزوا الاكل وامى تيجى هدى تخرج من المطبخ _وهى ماما فين ؟؟ حنان تمسك بيد هدى وتتجه الي المطبخ _تعالى نجهز الاكل وهى اكيد بتجيب حاجه وجايه هدى تنظر الي المائدة _ طب وهو الاكل فين ؟؟ عمر يرد _انا وحبيبة خبيناه بره لما الراجل جه حبيبة تكمل _خفنا لحسن ياخده مننا سيد ينظر لحبيبة وعمر ويبدو على وجهه القلق _ خبيتوه فين ؟؟ يظهر الكلب وهو يمسك بقطع الكباب وباقى الطعام ويأكلها بنهم وقد مزق الحقيبه وباقى الطعام وجعلها متناثرة من حوله .. يظهر سيد يقف والى جواره حنان وهدى وحبيبة وعمر وهم ينظرون الى الكلب وهو يأكل متحسرين .. سيد يمسك قطعه خشب ويحاول ان يبعد الكلب عن الاكل .. الكلب يقف مزمجرا وينبح بقوة عليهم .. سيد يحاول الاقتراب .. الكلب يهاجمه بشراسه .. سيد يتراجع وهو يمسك يده المليئة بالدماء متألما .. حنان تهتف فى سيد _ابعده يا سيد .. ده هياكل الاكل كله سيد يهتف وهو يحاول الامساك به _مش عارف ابعده .. مش عارف .. انا مش عارف ايه اللى حصله .. مكانش كده صفية تدخل الى السطح.. تنظر لهم .. تصدر منها ضحكه تعجب قصيرة وهى تهز رأسها بأسف _اتسعر .. زى ما انتوا كمان اتسعرتوا صفية تتحرك بهدوء الى الشقه .. خطواتها بطيئه وكأنها تجر ارجلها تدخل وهى تلقى نظرة على سيد وحنان وهدى اللذين ينظرون الى الارض بخجل  وتهز رأسها بأسف ثم تغلق الباب   النهاية